Soli Na Rep

Nemrete vi mačku dirigerati,
če on neče k vami dojti,
soli mu na rep denite,
pobegel bu vrag po lojtri.
Če ga za rep skratiti hočete,
podvinul ga nebu,
z kurtastim bu se španciral,
bajsa bu sviral,
vu krčmi iza vugla ministriral.
Soli vu glavi on ima,
k'ej ima z tem klima,
sam solira na tem svetu,
ni mu slajše vu duetu.
Ampak gda je betega kakva vu pitanju,
fajrund je skitanju,
najte mu soli na ranu ve devati,
prestal bu popevati !
Spameten je on maček,
ni bilo kakvi hraček,
zletanec zrihtani, naperlitani bedaček,
nekaj vu njemu ima morti,
samo sili k svojoj sorti …


nemrete - ne možete ;
k vami dojti - doći k vama ;
denite - stavite ;
po lojtri - po ljestvama ;
če ga za rep skratiti hočete - ako mu želite odrezati rep ;
podvinul ga nebu - neće ga podvinuti ;
z kurtastim - sa skraćenim, podrezanim ;
bu se španciral - šetat će se ;
bajs - kontrabas ;
bu - će ; vu - u ;
vugla - ugla ;
ministriral - ministrirat će ;
k 'ej ima z tem klima - što ima s tim najbolje raspolaže ;
na tem svetu - na tom svijetu ;
slajše - slađe ;
ampak - ali ;
gda - kad ;
betega - bolest ;
fajrund - kraj ;
najte - nemojte ;
ve - sad ;
devati - stavljati ;
hraček - ispljuvak ;
zletanec - čovjek koji ne može biti na miru ;
zrihtani - lijepo obućeni ;
naperlitani - natapirani ;
bedaček - budalica ;
morti - možda ;
sorti - vrsti

Unless otherwise stated, the content of this page is licensed under Creative Commons Attribution-ShareAlike 3.0 License