Morris Rosenfeld

Ikh hob a kleynem yingele,
A zunele gor fayn!
Ven ikh derzey im dakht zikh mir,
Di gantse velt iz mayn.

Nor zeltn, zeltn zey ikh im,
Mayn sheynem, ven er vakht,
Ikh tref im imer shlofendik,
Ikh zey im gor bay nakht.

Di arbet traybt mikh fri aroys
Un lozt mikh shpet tsurik;
A fremd iz mir mayn eygn leyb!
O, fremd mayn kind's a blik!

Ikh kum tsuklemterheyt aheym,
In finsternish gehilt, -
Mayn blaykhe froy dertseylt mir bald,
Vi fayn dos kind zikh shpilt,

Vi zis es redt, vi klug es fregt:
"O, mame, gute ma,
Ven kumt un brengt a peni mir
Mayn guter, guter pa?"

Ikh her es tsu un ayl - es muz, -
Yo, yo, es muz gesheyn!
Di foterlibe flakert oyf:
Es muz mayn kind mikh zeyn!….

Ikh shtey bay zayn gelegerl
Un zey, un her, un sha!
A troym bavegt di lipelekh:
"O, vu iz, vu iz pa?"

Ikh kush di bloye eygelekh,
Zey efn'n zikh - "o, kind!"
Zey zeyen mikh, zey zeyen mikh,
Un shlisn zikh geshvind.

"Do shteyt dayn papa, tayerer,
A penele dir, na!"
A troym bavegt di lipelekh:
"O, vu iz, vu iz pa?"

Ikh blayb tseveytikt un tseklemt,
Farbitert un ikh kler:
"Ven du ervakhst a mol, mayn kind,
Gefinstu mikh nit mer"….

moris rosenfeld

Unless otherwise stated, the content of this page is licensed under Creative Commons Attribution-ShareAlike 3.0 License